Oanleunwenningen en apparteminten

Mei it each op de takomst is it noflik om soarch tichtby te hawwen. Yn ’e buert fan ús wensoarchsintra yn De Lemmer en De Jouwer kinne jo in oanleunwenning hiere fan Hôf en Hiem. Ek yn Rotsterhaule is in noflik wenkompleks mei senioarewenningen.

Wat is in oanleunwenning?

In oanleunwenning is in appartemint spesjaal foar âlderen op rinôfstân fan in wensoarchsintrum, fersoargingshûs of ferpleechhûs. Jo kinne as bewenner fan dizze wenningen leechdrompelich gebrûk meitsje fan de fasiliteiten fan de wensoarchsintra. In hapke mei ite, alle wiken meidwaan oan jo favorite aktiviteit of in lekker kopke kofje drinke is echt fuortby. Om jo in feilich gefoel te jaan, binne ús wenningen foarsjoen fan persoane-alermearring. Is der wat te rêden? Dan binne ús thússoarchmeiwurkers fluch by jo. Troch de gearwurking tusken ús thússoarch en ús wensoarchsintra kinne wy jo ûndersteune fan in lichte oant en mei in yntinsive soarchfraach. Mear ynformaasje oer thússoarch fine jo hjir.

Hoe kom ik yn oanmerking foar in oanleunwenning?

Jo kinne jo ynskriuwe as wenningsykjende foar in senioarewenning by Soarchgroep Hôf en Hiem. Hjir binne gjin kritearia foar. Op ús webside kinne jo it aktuele hieroanbod yn ’e gaten hâlden. Hawwe jo belangstelling foar in appartemint, dan kinne jo reagearje fia de webisde.

Tawizingskritearia

Foar al ús oanleunwenningen is sprake fan tawizingskritearia. Wenningsykjenden (65+) mei in langduorjende soarchfraach krije foarrang boppe wenningsykjenden sûnder soarchfraach. Der is sprake fan in langduorjende soarchfraach as jo in jildige yndikaasje hawwe fan it Centrum Indicatiestelling Zorg (CIZ) foar de Wet langduorjende soarch (Wlz) of wykferpleging krije. De Wlz yndikaasje jout rjocht op opname yn in wensoarchsintrum, in persoansbûn budzjet of Wlz soarch thús. Wlz soarch thús krije jo troch de wei fan it Modulêr Pakket Thús (MPT) of in Folslein Pakket Thús (VPT). De fan yndikaasje dy’t fan tapassing is kinne jo oanjaan as jo reagearje op in frijkommen wenning. Wy fine it belangryk dat de beskikbere wenning oanslút by de soarchfraach fan de hierder. Dit ta beoardieling fan Soarchgroep Hôf en Hiem

As der gjin wenningsykjenden mei in soarchfraach op in frijkommende wenning of appartemint reagearje, hantearje wy it stuit fan ynskriuwing. In eardere ynskriuwing giet foar op in lettere ynskriuwing. Yn it gefal dat der sprake is fan in ynskriuwing op deselde datum, wurdt de tawizing troch lotting bepaald.

Kosten oanleunwenning

De hierprizen fan de apparteminten binne ôfhinklik fan de grutte en it plak. It aktuele hieroanbod jout de moanlikse kosten fan de frijkommen wenning wer. In aktueel oersjocht fan de trochsneed hierprizen (per 1/7/2023) fan ús apparteminten fine jo hjir: oersjoch prizen hierapparteminten.